Gürcüstanın paytaxtı Tbilisidə yaşayış binasında partlayış baş verib.
“Qafqazinfo” “RİA Novosti”yə istinadən xəbər verir ki, hadisə nəticəsində 8 nəfər yaralanıb.
Gürcüstan səhiyyə naziri David Sergeenkonun sözlərinə görə, iki nəfərin tənəffüs yolları yanıb. Digərlərinin vəziyyəti orta-ağırdır.
Partlayışın qaz sızmasından baş verdiyi bildirilir.
Qeyd edək ki, partlayışın təsirindən binada dağıntılar əmələ gəlib.