Yevlax Şəhər Təhsil Şöbəsi ötən gün rayon məktəblilərinin düşdüyü qəza ilə bağlı açıqlama verib.
Qurumdan “Qafqazinfo”ya bildirilib ki, 11 mart 2018-ci il tarixdə rayonun Aran qəsəbə 1 nömrəli tam orta məktəbin IX sinif şagirdləri buraxılış imtahanlarının birinci mərhələsində iştirak etmək üçün rayon mərkəzinə gələrkən 15 nəfər şagirdin, 1 nəfər direktor müavini (təşkilatçı) və 1 nəfər məktəbin əməkdaşından ibarət heyəti aparan mikroavtobus Yevlax rayonu ərazisində qəzaya uğrayıb. Hadisə zamanı xəsarət alan 12 nəfər Yevlax Rayon Mərkəzi Xəstəxanasına, 5 nəfər isə Mingəçevir Şəhər Mərkəzi Xəstəxanasına yerləşdirilib.
Yevlax Rayon Mərkəzi Xəstəxanasına yerləşdirilən 12 nəfərə ilkin tibbi yardım göstərildikdən sonra xəstəxanadan evə buraxılmışdır. Mingəçevir Şəhər Mərkəzi Xəstəxanasına yerləşdirilən 5 nəfərdən 3 nəfərin vəziyyəti qənaətbəxşdir. 2 nəfər kəllə-beyin travması aldığı üçün Səhiyyə Nazirliyindən həkim briqadası göndərilmiş və müalicələri davam etdirilir.
Ülviyyə