“Təzyiq altında meydana çıxsaq da, qalib gəldik” - Joze Alesio

“Təzyiq altında meydana çıxsaq da, qalib gəldik”
Oxunma sayı: 986

Futzal üzrə Azərbaycan yığmasının baş məşqçisi Joze Alesio Sloveniyanın Lyublyana şəhərində təşkil edilən futzal üzrə Avropa çempionatının final mərhələsində bu gün keçirilən Fransa ilə oyundan sonra fikirlərini bölüşüb.

“Qafqazinfo” xəbər verir ki, millimizin çalışdırıcısı 5:3 hesablı qələbə ilə bağlı bunları söyləyib:

“Komandam oyuna yaxşı hazırlaşmışdı. Fransa ilə oyunun bizim üçün final matçına bərabər olduğunu hamımız anlayırdıq. Oyun ərzində müəyyən gərgin anlar oldu. Hətta hesabda geriyə də düşdük. Ancaq oyunçularım tez bir zamanda toparlanmağı və oyun intizamını qorumağı bacardılar. Onlar məşq zamanı dediklərimi tətbiq etdilər. Ardıcıl 2 qol vurduq və hesabı lehimizə dəyişdikdən sonra psixoloji üstünlüyə də sahib olduq”.

J.Alesio qeyd edib ki, komandası təzyiq altında meydana çıxsa da, vacib qələbə qazandı:

“Fransa millisi sona qədər mübarizə apardı. Onlar məğlubiyyətlə barışmaq istəmirdilər. İspaniya ilə oyunda qazandıqları 1 xal onlarda inam yaratmışdı. Təzyiqə baxmayaraq qalib gəldik.

Bizi qrupda İspaniya ilə matç gözləyir. 1/4 finala vəsiqəni təmin etməyimizə baxmayaraq, qələbə qazanmaq üçün mübarizə aparacağıq. Çünki qrup mərhələsini birinci pillədə başa vurmaq şansımız var. Təbii ki, ispanlar da mübarizəni davam etdirmək üçün qələbə qazanmağa çalışacaqlar”.


Daha tez məlumatlanmaq üçün yeni Facebook səhifəmizi