Tofiq Quliyevə həsr olunan poçt markası hazırlandı

Tofiq Quliyevə həsr olunan poçt markası hazırlandı
Oxunma sayı: 323

Nəqliyyat, Rabitə və Yüksək Texnologiyalar Nazirliyi “Azərmarka” MMC tərəfindən Azərbaycanın Xalq Artisti, bəstəkar, ictimai xadim Tofiq Quliyevə həsr olunan poçt markası hazırlanıb.

“Qafqazinfo”nun məlumatına görə, nazirlikdən AzərTac-a bildirilib ki, poçt markası Tofiq Quliyevin anadan olmasının 100 illiyi münasibətilə çap olunub. 40x28 millimetr ölçüsündə olan markanın tirajı 200 000 ədəd təşkil edir.

Marka “Belarusskiy dom peçati” mətbəəsində, Belarus Respublikasında yüksək keyfiyyətlə nəşr olunub.

Qeyd edək ki, T. Quliyev 1917-ci il noyabrın 7-də Bakı şəhərində mühəndis-iqtisadçı Ələkbər Quliyevin ailəsində anadan olub. O, Azərbaycan caz və estrada musiqisinin banilərindən biri, bir çox simfonik əsərlərin, kantataların, fortepiano əsərlərinin müəllifidir.

Tofiq Quliyev Azərbaycanın Əməkdar İncəsənət Xadimi, Xalq Artisti fəxri adına layiq görülüb. Eyni zamanda, ümummilli lider Heydər Əliyev tərəfindən “İstiqlal ordeni” ilə təltif olunub.

2000-ci il oktyabrın 4-də dünyasını dəyişən Tofiq Quliyevin 100 illik yubileyinin keçirilməsi məqsədilə prezident İlham Əliyev Sərəncam imzalayıb.

Bakı şəhərinin küçələrindən biri və 12 saylı musiqi məktəbi bəstəkarın adını daşıyır.

 


Daha tez məlumatlanmaq üçün yeni Facebook səhifəmizi