Syerra-Leonenin paytaxtı Fritaunda baş vermiş torpaq sürüşməsi nəticəsində ölənlərin sayı artıb.
“Qafqazinfo” xarici KİV-ə istinadən xəbər verir ki, təbii fəlakət nəticəsində ölənlərin sayı 400-ə çatıb. Onlardan azı 60 nəfəri uşaqlardır. Hökumət qüvvələri hadisə ilə əlaqədar ölü sayının arta biləcəyi istisna etmir.
Dağıntılar altında insanların qaldığı ehtimal olunur. Fəlakət bölgəsində axtarış-xilasetmə işləri davam etdirilir.
Qeyd edək ki, artıq bir neçə gündür ki, aramsız yağışlar və kəskin hava şəraiti ölkə ərazisində tüğyan edir.