Səudiyyə Ərəbistanı hökuməti jurnalist Camal Qaşıqçı cinayətinin araşdırılması üçün ABŞ-dan bir ay vaxt istəsə də, Donald Tramp bununla razılaşmayıb.
“Qafqazinfo” Türkiyə mediasına istinadən xəbər verir ki, Tramp şahzadə Salmanla görüşdükdən sonra bu müddətin çox uzun olduğunu deyib:
“Səudiyyə Ərəbistanının 1 aylıq vaxt tələbi çoxdur. Jurnalistin ölümü ilə bağlı səudiyyəlilərdən eşitdiklərimlə qane olmadım”.
Tramp bununla belə krallıqla münasibəti korlamaq fikrində deyil. O, Ər-Riyad hökumətinin ABŞ-dakı sərmayələrini itirmək istəmədiyini bildirib.