“Traviata” operasının tamaşası olacaq

“Traviata” operasının tamaşası olacaq
Oxunma sayı: 309

Oktyabrın 11-də Azərbaycan Dövlət Akademik Opera və Balet Teatrında Cüzeppe Verdinin “Traviata” operasının tamaşası keçiriləcəkdir. 

“Qafqazinfo” xəbər verir ki, tamaşa Azərbaycanın ilk qadın opera müğənnisi, SSRİ Xalq artisti, professor Şövkət Məmmədovanın 120 illik yubileyinə həsr olunmuşdur. Məlum olduğu kimi, vaxtilə Milanda və Kiyevdə peşəkar musiqi təhsili alan Şövkət xanım uzun illər Azərbaycan  Opera və Balet Teatrının solisti olmuş və Teatrın səhnəsində bir çox parlaq obrazlar - Nərgiz ("Nərgiz"), Gülzar ("Şah İsmayıl"), Şahsənəm ("Şahsənəm"), Cilda ("Riqoletto"), Violetta ("Traviata"), Rozina ("Sevilya bərbəri") və s. yaradıb. 

Ölməz sənətkarın xatirəsinə həsr edilmiş tamaşada Teatrın aparıcı solistləri - Respublikanın Əməkdar Artistlər  İnarə Babayeva (Violetta), Fərid Əliyev (Alfred), Cahangir Qurbanov (Jermon),  Əkrəm Poladov  (Doktor Qrevil),  Xalq Artisti Əli Əsgərov (Markiz d`Obinyi) və gənc solist Nina  Makarova (Flora) çıxış edəcəklər.

Tamaşanı Xalq artisti,  professor Cavanşir Cəfərov idarə edəcəkdir.


Daha tez məlumatlanmaq üçün yeni Facebook səhifəmizi