Türkiyənin xarici işlər naziri Mövlud Çavuşoğlu ölkənin Uqandadakı səfiri Sədəf Yavuzalpı geri çağırıb.
“Qafqazinfo” Türkiyə mediasına istinadən məlumatına görə, buna səbəb xanım səfirin oktyabrın 29-da Türkiyə Cümhuriyyətinin 95-ci ildönümü ilə əlaqədar Uqandada təşkil olunmuş mərasimdə antik dövrü xatırladan libas geyinməsidi. Çavuşoğlu bununla bağlı Tvitter hesabında yazıb:
“Mediada yayılan fotolardan sonra Uqandadakı səfirimizlə bağlı dərhal araşdırmalara başlanılıb və bununla əlaqədar olaraq səfirimiz geri çağrılıb”.