Meksikadakı Türkiyə səfirliyinin katibi yoxa çıxıb.
“Qafqazinfo”nun “RİA Novosti”yə istinadən verdiyi xəbərə görə, 29 yaşlı qadın 2-16 iyul aralığında iş yoldaşları ilə yalnız elektron poçt vasitəsilə əlaqə saxlayıb. O, xəstə olduğu üçün müayinələrə getdiyini, işə gələ bilməyəcəyini deyib.
Narahat olan əməkdaşlar iyulun 17-si qadının evinə yollansa da onu tapa bilməyiblər. 6 gün sonra isə onun elektron ünvanından məzmunsuz məktub gəlib. Mexiko Baş Prokurorluğu artıq araşdırmalara başlayıb.
Qeyd edilir ki, adı açıqlanmayan qadın Türkiyə konsulluğunda ikinci katib kimi çalışıb.
Aysel Kərimova