Türkiyənin Ağrı şəhərində Hamur və Tutak qəsəbələri arasındakı yolda dəhşətli qəza baş verib.
“Qafqazinfo” CNN Türk-ə istinadən xəbər verir ki, TIR-ın daşıdığı kənd təsərrüfatı texnikası avtobusun üzərinə aşıb.
Tonlarla ağırlığındakı texnikanın altında qalan avtobusda 7 nəfər ölüb, 11 nəfər isə yaralanıb.
Şahidlərin sözlərinə görə, ölənlərin bədənləri parçalanıb. Yaralıların vəziyyətinin ağır olduğu bildirilir.
TIR-ın sürücüsü isə hadisə yerindən qaçıb.
Faktla bağlı araşdırma aparılır.