Üç məktəblini maşın vurdu

uc-mekteblini-masin-vurdu
Oxunma sayı: 2165

Abşeronda 3 məktəblini maşın vurub. 

“Qafqazinfo” xəbər verir ki, hadisə martın 6-da Ceyranbatan qəsəbəsində baş verib. Hazırlıqdan çıxan 11-ci sinif şagirdləri yolu keçən zaman “BMV” markalı avtomobil tərəfindən vurulub. Şagirdlərin 1№-li tam orta məktəbdə təhsil aldıqları bildirilib.

Məsələylə bağlı məktəbin direktoru Çinarə Atayeva ilə əlaqə saxladıq. Hadisəni təsdiq edən direktor şagirdlərin vəziyyətinin hazırda qənaətbəxş olduğunu deyib:

“Bir neçə sayt yazıb ki, hadisə şagirdlər dərsdən çıxan zaman baş verib. Bu, yanlışdır. Qəza 19:40 radələrində baş verib və bu zaman şagirdlərimiz hazırlıqdan çıxırlar. Yaralanan 3 gəncdən Aygün Rufullayeva və Nəzrin Canbirova ayağından xəsarət alıb. Xədicə Məmmədzadə isə başından travma alıb və tomoqrafiya olunacaq”.

Günel Hacı