ABŞ hökuməti Rusiya bayrağını Vaşinqtondakı ticarət nümayəndəliyinin üzərindən çıxarılıb.
“Qafqazinfo” “RİA Novosti”yə istinadən xəbər verir ki, faktı Rusiyanın ABŞ-dakı səfirliyinin mətbuat katibi Nikolay Laxonin təsdiqləyib.
“Rusiya bayrağı daha əvvəl ABŞ rəsmiləri tərəfindən nəzarətə götürülmüş Vaşinqtondakı ticarət nümayəndəliyinin üzərindən çıxarılıb. Təxribatçı antirusiya hərəkətləri dayandırmağı tələb edirik”,-deyə Rusiyanın ABŞ səfirliyinin tvitter hesabında bildirilib.
Bundan əvvəl Rusiyanın San-Fransiskodakı konsulluğunun üzərindəki bayraq çıxarılıb.
Qeyd edək ki, ABŞ Dövlət Departamentinin tələbi ilə sentyabrın əvvəlində Rusiya San-Fransisko, Vaşinqton və Nyu-Yorkdakı diplomatik obyektləri qarşı tərəfə təhvil verib. Bunun rəsmi Moskvanın Rusiyadakı ABŞ diplomatik missiyasının heyətinin azaldılması tələbinə cavab olduğu bildirilir.