Yerevan məhkəməsi Kollektiv Təhlükəsizlik Müqaviləsi Təşkilatının baş katibi Yuri Xaçaturovu zaminə buraxıb.
“Qafqazinfo” “RİA Novosti”yə istinadən xəbər verir ki, bu barədə onun vəkili Miqran Poqosyan jurnalistlərə açıqlamasında bildirib: “Məhkəmə Xaçaturov barəsində alternativ ehtiyat tədbiri seçdi və onu zaminə buraxdı”.
Xaçaturovun zaminə buraxılması üçün 5 milyon dram (11 min ABŞ dolları) tələb edilib.
Qeyd edək ki, Yuri Xaçaturov da 1 mart 2008-ci il aksiyaları zamanı konstitusion quruluşun devrilməsində təqsirli bilinir. Bir neçə saat əvvəl isə eks-prezident Robert Koçaryan bu ittihamla həbs edilib.