Fransa millisinin baş məşqçisi Didye Deşam dünya çempionatının yarımfinal mərhələsində Belçikaya 1:0 hesabı ilə qalib gəldikləri matçı şərh edib.
“Qafqazinfo” xəbər verir ki, təcrübəli mütəxəssis finala çıxmalarına görə çox xoşbəxt olduqlarını bildirib.
Çalışdırıcı oyunçularının möhtəşəm iş gördüyünü deyib: “Bu möhtəşəm idi. Oyunçularım üçün çox xoşbəxtəm. Biz xarakter göstərdik və ağıllı oynadıq. Çox çətin idi. Müdafiədə daha etibarlı oynadıq və əks-hücumlarda rəqibə çətinlik yaşatmağa çalışdıq. Futbolçularımın gördüyü iş möhtəşəmdir. Birlikdə 49 gün keçirib çətin işin öhdəsindən gəlmişik”.