Yalçın İmanov Vəkillər Kollegiyasından xaric edildi

Yalçın İmanov Vəkillər Kollegiyasından xaric edildi
Oxunma sayı: 1771

Vəkil Yalçın İmanov Vəkillər Kollegiyasının üzvlüyündən çıxarılması üçün qərar qəbul edilib. “Qafqazinfo”nun verdiyi xəbərə görə, bu barədə həmkarı Elçin Sadıqov məlumat verib.

O bildirib ki, bu gün kollegiyanın Rəyasət Heyətinin iclası keçirilib və vəkillər barəsindəki şikayətlərə baxılıb. Yalçın İmanovun üzvlükdən çıxarılması üçün məhkəməyə müraciət etmək barədə qərar qəbul edilib.

Qeyd edək ki, bir neçə gün öncə Ədliyyə Nazirliyi VK-ya təqdimat verərək Y.İmanovun barəsində tədbir görülməsini istəyib.

Bundan başqa, baş prokurorun birinci müavini Rüstəm usubov da digər vəkillər - Asabəli Mustafayev, Fəxrəddin Mehdiyev və Aqil Layıcovun barəsində tədbir görülməsi üçün təqdimat verib.

***

Penitensiar Xidmətin rəis əvəzi Oqtay Məmmədov şikaytində qeyd edib ki, Y.İmanov avqustun 8-də Taleh Bağırzadə və Abbas Hüseynovla görüşdən sonra onların işgəncələrə məruz qalmaları barədə yalan məlumat yayıb.

Prosedura görə, Y.İmanov barəsində məhkəmə qərarı verilənədək o, heç bir prosesdə vəkil kimi çıxış edə bilməz.

 

Murad Əhməd


Daha tez məlumatlanmaq üçün yeni Facebook səhifəmizi