“Bu gün mətbuat-cəmiyyət münasibətlərindən tez-tez söhbət açılır. Bu söhbətlərin kökündə əsasən, KİV əməkdaşlarının peşə etikası, məsuliyyəti, ən əsası vətənpərvərlik hissi önə çəkilir.
Azərbaycan Jurnalistlərinin VI qurultayında Prezident Administrasiyası ictimai-siyasi şöbəsinin müdiri Əli Həsənov çox haqlı olaraq qeyd etdi ki, bəziləri ölkədə yaxşı nə varsa, öz adına çıxmağa, pis olanları isə dövlətin üzərinə atmağa vərdiş ediblər. Bəzən hakimiyyəti tənqid etmək əvəzinə, dövləti tənqid edirlər, hakimiyyətə qarşı mübariz aparmaq fonunda dövlətin əleyhinə fəaliyyət göstərirlər...
Mən deyərdim ki, tənqid çox vaxt ifrat dərəcədə böhtana, təhqirə, şantaja, qarayaxmaya, hədyana bənzəyir. Hər birimiz hakimiyyətə opponent partiyaların mətbu orqanlarında belə faktlarla dönə-dönə qarşılaşırıq və buna təəssüf edirik.
Cəmiyyətlə vətəndaş, dövlətlə xalq arasında münasibətlərə süni şəkildə kölgə salıb, körpüləri yandırmaq olmaz! Müxalifət qəzetlərində çalışan qələm sahibləri mənə elə gəlir ki, Azərbaycan Respublikası Prezidenti cənab İlham Əliyevin media ilə hökumət arasında həssas mühitin yaradılmasına qayğısını bilərəkdən görməməzliyə vururlar.
Öz tənqidi yazıları ilə diqqət çəkən, Azərbaycanda vətəndaş cəmiyyətinin olmadığını söyləyən teleqraf.az saytının baş redaktoru Nicat Dağların səhhətində ciddi problemlərlə bağlı fikirləri öyrənən kimi dərhal onun müalicəsinə lazım olan bütün vəsaitlərin ödənilməsi və bu işin həyata keçirilməsi üçün göstəriş verməsi cənab İlham Əliyevin “Mən hər bir Azərbaycan vətəndaşının prezidenti olacağam” vədininin bariz nümunəsi deyilmi?
Azərbaycan cəmiyyətinin bütün təbəqələrində dövlət başçımızın məlum hadisəyə operativ münasibəti çox rəğbətlə qarşılandı. “Dövlət başçısına təşəkürümü ifadə etmək üçün söz tapa bilmirəm” – deyən Nicat Dağları isə mənim bildiyimə görə, bu günəcək müxalifət düşərgəsindən bir nəfər də olsun arayıb-axtarmayıb…
İctimai həyatın müxtəlif sahələrinə dair təşəbbüslərin dəstəklənməsində, jurnalistlərin sosial şəraitinin yaxşılaşdırılmasında, onlara fəxri adların verilməsində Azərbaycan Prezidentinin diqqət və qayğısına aid neçə-neçə faktları sadalamaq olar. 22 iyulda Milli Mətbuat günü münasibətilə jurnalistlər üçün tikilmiş binanın mənzillərinin paylanmasında Azərbaycan Prezidentinin tövsiyyəsi ilə müxalifət qəzetində çalışan jurnalistlər də nəzərə alınıb.Jurnalist peşəsi şəffaf, görünən peşədir. Hə hansı bir qəzetə baxanda, yaxud social şəbəkələrdə yazılanlari gözdən keçirəndə imza sahibinin – jurnalistin mənəviyyatı, əxlaqı, obyevtikliyi, kimliyi görünür. Məncə, ruhunda vətənpərvərlik hissi olan hər bir jurnalistı öz peşə borcunu doğru-dürüst yerməqə qadirdir.
Qarşıdan növbəti prezident seçkiləri gəlir. Media və seçki demokratiyanın qoşa qanadı hesab olunur. Günü-gündən inkişaf edən ölkəmizdə media nümayəndələri istənilən situasiyada ədalətli mövqe tutmalı, hadisələri düzgün işıqlandırmağa borcludurlar. Diqqəti cəlb etmək xatirənə ucuz vasitələrə əl atmaq, yalan, böhtan, hədyanlar yazmaq düşmən dəyirmanına su tökməkdən savayı bir şey deyil”.