Yaşayış binasında baş verən yanğınla bağlı- - Rəsmi açıqlama

yasayis-binasinda-bas-veren-yanginla-bagli-
Oxunma sayı: 2615


“Qafqazinfo” anspress-ə istinadən xəbər verir ki, bunu Fövqəladə Hallar Nazirliyinin (FHN) Dövlət Yanğından Mühafizə Xidmətinin qərargah rəisi Əkbər Novruzov jurnalistlərə açıqlamasında deyib.

O bildirib ki, yanğın haqqında məlumat saat 13:52-də daxil olub. Xidmətin qərargah rəisi bildirib ki, yanğın 6-cı mərtəbədən 16-cı mərtəbəyədək binanın alkopan üzlük hissəsində baş verib:

“Yanğının mənzillərə keçməsinin qarşısı alınıb. Hadisə nəticəsində xəsarət alan olmayıb. Yanğının səbəbləri aparılan araşdırmalardan sonra məlum olacaq”.

Qeyd edək ki, bu gün günorta saatlarında Səbail rayonu ərazisində, Üzeyir Hacıbəyli küçəsində, Bakı Univermağının yanında yerləşən 16 mərtəbəli yaşayış binasında yanğın başlayıb. 

Hadisə yerinə 16 yanğınsöndürən maşın cəlb olunub. Hadisə zamanı ərazidə böyük tıxac yaranıb. Dərhal hadisə yerinə Nəsimi, Səbayel və Yasamal rayon Yanğından Mühafizə hissələrinin, eləcə də Bakı qarnizonunun şəxsi heyəti cəlb edilib.