Yeni başçıdan ilk açıqlama - “Ciddi dəyişikliklər olacaq”

yeni-bascidan-ilk-aciqlama
Oxunma sayı: 9690

Xəbər verdiyimiz kimi, prezident İlham Əliyevin sərəncamı ilə İlham İsmayılov Mingəçevir Şəhər İcra Hakimiyyətinin başçısı təyin edilib.

“Qafqazinfo”nun məlumatına görə, İlham İsmayılov təyinatı ilə bağlı Unikal.org-a açıqlama verib. O, rayonun sosial və iqtisadi həyatında ciddi dəyişikliklər olacağını bildirib.

“Mən təyinatımı yüksək etimad kimi dəyərləndirirəm. Bu, cənab prezidentin mənim üzərimə qoyduğu məsuliyyətdir. Çalışacam ki, İlham Əliyevin yüksək etimadını doğruldum. Mingəçevir şəhərinə dövlət dəstəyi var. Şəhərdə quruculuq, abadlıq işləri gedir və bu işlər davam etdiriləcək. Cənab prezidentin siyasəti birmənalı olaraq Mingəçevirdə yüksək aparılıb, bundan sonra da davam etdiriləcək”, - deyə yeni icra başçısı qeyd edib.