Yeni kriptovalyuta dövriyyəyə buraxılıb

Yeni kriptovalyuta dövriyyəyə buraxılıb
Oxunma sayı: 795

“Bulud” texnologiyalı məsafəli idarəetmə servislərinin yaradılması ilə məşğul olan “Cloudwith.me” şirkəti “CLOUD” adlı kriptovalyuta təqdim edib.

“Qafqazinfo” ICTnews-a istinadən xəbər verir ki, yeni valyuta “Amazon Web Services” platformasından 1 dollara istifadə imkanı təqdim etməklə kommersiya dövriyyəsinə buraxılıb.

İstifadəçilər “CLOUD” tokenlərini (USB açarlar) əldə etdikdən sonra platformadan ayda 1 dollar ödəməklə istifadə edə biləcəklər ki, bu da servisdən aylıq istifadənin 40 dollara satıldığı “Amazon” internet mağazasında alışdan çox ucuzdur. “CLOUD” qəpiklərin ilkin yerləşdirilməsi (ICO) vasitəsilə təklif edilən və tədarük edilən rəqəmli xidmətlərin alışı üçün istifadə olunan ilk rəqəmli valyuta olacaq.

Layihənin texniki direktoru Asəf Zamirin fikrincə, “CLOUD” tokenləri istifadəçilərə qazanc gətirməklə onları “bulud” servislərindən rahat istifadə ilə təmin edəcəklər.

“CLOUD” tokenlərinin bir ədədinin qiyməti 10 dollar təşkil edir. Onları bitkoin (Bitcoin), efir (Ethereum) və ya istənilən valyutada nağd pula əldə etmək mümkün olacaq.


Daha tez məlumatlanmaq üçün yeni Facebook səhifəmizi