Yevlaxda evdən 3300 manatlıq əşyalar oğurlanıb
Martın 16-da Yevlax rayon sakini olan bir qadın Rayon Polis Şöbəsinə ərizə ilə müraciət edərək ona məxsus evdən oğurluq olduğu barədə məlumat verib.
DİN Mətbuat Xidmətinin Bərdə regional qrupundan "Qafqazinfo"ya verilən məlumata görə, oğurluğu törətməkdə şübhəli bilinən əvvəllər məhkum olunmuş, rayon sakini Rəşad Sadıxov saxlanılıb. Araşdırmalarla onun 3300 manat dəyərində məişət əşyaları oğurladığı müəyyən edilib.
Yevlax Rayon Polis Şöbəsinin əməkdaşlarının keçirdiyi daha bir əməliyyat tədbirləri nəticəsində rayonun Xaldan qəsəbəsi ərazisində “Mingəçevir Regional Elektrik Şəbəkəsi” MMC-nin balansında olan və hazırda istismar olunmayan hava xəttinin 7 dayağının metal künclüklərini, habelə 2 dayağı bütövlükdə sökərək oğurlamaqda şübhəli bilinən qəsəbə sakini Elman Yunusov saxlanılıb.
Hər iki faktla bağlı cinayət işi başlanılıb, araşdırmalar davam etdirilir.
Rəşad Türkoğlu
Son Xəbərlər
- 1
- 2
- 3
- 4
- 5
- 6
