Yeyə-yeyə necə arıqlamaq olar?

Yeyə-yeyə necə arıqlamaq olar?
Oxunma sayı: 2130

Biz öyrəşmişik ki, arıqlamaq üçün mümkün qədər az yemək, hətta ac qalmaq lazımdır. Lakin Yaponiya alimlərinin son araşdırması göstərib ki, yeyə-yeyə də arıqlamaq mümkündür. Lakin bunun üçün 1 sadə qaydaya riayət etmək lazımdır.

“Qafqazinfo” Saglamolun.az-a istinadən xəbər verir ki, araşdırmada 60 mindən çox kişi və qadın iştirak edib.

Alimlər 6 il ərzində bu insanları müşahidə etdikdən sonra belə qərara gəliblər ki, insan tez-tez, tələsik yemək yeyəndə bu piylənməyə və şəkərli diabetin inkişafına səbəb ola bilər.

Əksinə qidanı mümkün qədər asta-asta çeynəyən və yeməklər arasında fasilələr verən insan nəinki kökəlməz, hətta arıqlaya da bilər.

Alimlərin fikrinə görə, toxluq haqqında siqnal mədədən beyinə müəyyən “gecikmə” ilə çatır. Bu səbəbdən tez-tez yeyən insanın beyini toxluq haqqında məlumatı xeyli gecikmə ilə alır ki, bu müddət ərzində insan lazım olandan daha çox yemək yeyir.

Bundan əlavə alimlər artıq çəkidən azad olmaq istəyənlərə daha 2 sadə tövsiyə edir: əsas qəbulların arasında heç nə yeməyin və yatmazdan ən azı 2 saat əvvəl qida qəbul edin.


Daha tez məlumatlanmaq üçün yeni Facebook səhifəmizi