“Yuventus” Çempionlar Liqasının qrup mərhələsinin ilk matçında səfərdə “Valensiya” ilə qarşılaşıb.
“Qafqazinfo” xəbər verir ki, Turin təmsilçisi ulduz hücumçusu Kriştiano Ronaldonun 29-cu dəqiqədə qırmızı vərəqə almasından sonra 10 nəfər qalıb.
Buna baxmayaraq “Yuventus” Pyaniçin 45 və 51-ci dəqiqələrdə penaltidən vurduğu qollarla 2:0 hesablı qələbə qazanıb.
Qeyd edək ki, “Valensiya” 90+7-ci dəqiqədə Danioel Parexo ilə penalti zərbəsini qola çevirə bilməyib.