“Qafqazinfo”nun məlumatına görə, bu sözlər son günlər zorakılıq hallarına etiraz olaraq bir sıra tanınmış yazar və jurnalistlərdən tərəfindən qəbul olunan bəyanatda deyilir:

“Bu məsələdə ən üzücü məqam, Azərbaycan mediasının tutduğu mövqedir. Çap və elekron media orqanlarımız oxunaqlı olmaq üçün əllərinə keçən bu tipli faktları saf-çürük etmədən, mahiyyətinə varmadan dərhal “bəzəkli” başlıqlar altında yayımlayırlar. Heç birimizə sirr deyil ki, Azərbaycanın ailə modeli milli-mənəvi dəyərlər sistemində formalaşıb. Qadına verilən önəm ailənin əsasını təşkil edir. Ölkəmiz müstəqilliyini bərpa etdikdən sonra Azərbaycan ailəsi yeni inkişaf mərhələsinə qədəm qoyub. Ailə cəmiyyət üçün ən böyük dəyərdir. Cəmiyyətin, dövlətin inkişafı, ümumiyyətlə insanların münasibətləri, ünsiyyət qurmaları ailə olmadan qeyri-mümkündür.

Ailə kiçik bir dövlətdir. Bütün iqtisadi və maddi münasibətlər, hətta siyasi münasibətlər, ideoloji mübarizələr məhz ailədə ilkin rüşeym halında yaranır. Ailə münasibətləri haqqında danışarkən şəxsiyyət məsələsinə xüsusi toxunmaq lazımdır. Böyük şəxsiyyətlər məhz ailə tərbiyəsi əsasında formalaşmışlar. Bu şəxsiyyətlərin bütün əxlaqi keyfiyyətlərə yiyələnməsi, torpağına, el-obasına və milli mentalitetə bağlı olması, qadın-kişi münasibətlərində etik normaların gözlənilməsi məhz ailədən qaynaqlanır. Amma son zamanlar bir sıra media orqanlarında insest münasibətlər aid yazılar belə kriminal xəbər adı ilə təqdim edilir. Təbii ki, həyatda baş verənlər mediada əks olunmalıdır. Amma, kriminal xəbərlərin sensasiya doğuracaq formada verilməsi doğru deyil. Bəzən təkrar-təkrar xüsusi anonslar verərək, sanki müsbət bir hal kimi təqdim olunur. Bu isə cəmiyyətdə zorakılığın adiləşməsinə və çoxalmasına səbəb olub.

Biz aşağıda adları qeyd olunan ictimaiyyət nümayəndələri və ziyalılar, Azərbaycanda fəaliyyət göstərən bütün media orqanlarına müraciət edərək, bildirik ki, belə xəbərləri işıqlandırarkən lütfən daha diqqətli olsunlar. Onsuz da insanlarımızın pisxoloji baxımdan həssas olduğu zamanda yaşayırıq.

Oktay Hacımusalı – yazıçı – publisist
Oral Mədənçi – jurnalist
Taryel Faziloğlu – Milli Düşüncə İnstitutu İctimia Birliyinin sədri
Anar Xəlilov - Sağlam İnkişaf və Maarifləndirmə ictimai birliyinin sədri
Elçin Mirzəbəyli – “Xalq cəbhəsi” qəzetinin baş redaktoru
Rüfət Əhmədzadə - yazıçı – jurnalist
Azər Həsrət – “Yeddi millət, bir dövlət” konseyinin başkanı
Kebuter Haqverdi – jurnalist
Rövşanə Əliyeva – jurnalist
Həsrət Rüstəmov – ADP sədrinin müavini
Sultan Mərzili – yazıçı – publisist
Fariz Xəlilli - 'Miras' Mədəni İrsin öyrənilməsinə kömək İctimai Birliyinin sədri
Aydın Xan (Əbilov), YYSQ sədri, kitabxana.net portalının rəhbəri, yazıçı-kulturoloq
Seymur Həsənli – Milli Dirçeliş Hərəkatı Partiyasi
Aqil Camal – “Türküstan” qəzetinin baş redaktoru
Elman Cəfərli – “Olaylar” qəzetinin redaktoru
Əkbər Qoşalı – DGTYB başqanı, şair – publisist
Razi Abbasbəyli – Gündeminfo.az saytının rəhbəri
Namiq Hacıheydərli – şair – publisist, AYB Muğan bölməsinin rəhbəri
Rumiyye Miraslan – jurnalist
Aygün Həsənoğlu – yazıçı – dramaturq
Sənan Nəcəfov – qhtxeber.com saytının rəhbəri
Qurban Yaquboğlu – “Gündəlik Teleqraf” qəzetinin redaktoru
Elnur Məmmədli - "Qafqazinfo.az" internet qəzetinin redaktoru
Elnur Kəlbizadə - AYB Naxçıvan filialının gənclər sektorunun müdiri, şair
Vəli Əkbər- tele-jurnalist
Elnur Eltürk – müstəqil jurnalist
Toğrul İsmayıl - Ankara İqtisadiyyat və Texnologiyalar Universitetinin professoru, politoloq
Zaur Qəriboğlu – “Karabakhinfo” saytının şef – redaktoru, şair
Şöhrət Eldəniz – Kanalm5.tv – nin rəhbəri
Gülcahan Məmmədova - "Sağlamlıq və sən" jurnalının redaktoru
Zaur Əliyev – tarixçi – araşdırmaçı yazar
Mehriban Zeynalova - "Təmiz Dünya" İctimai Birliyinin rəhbəri
Aynur İmranova – Ümid Partiyasının sədr müavini
Zaur Əhməd - Müstəqi İnformasiya Agentliyinin redaktoru
Razi Nurullayev - "Region" Beynəlxalq Analitik Mərkəzinin (RBAM) sədri
Ayşə Kərimova – telejurnalist
Nəzirməmməd Quliyev - SAMF-ın eksperti
Rəsul Mirhəşimli - Media və Mülki Cəmiyyət İctimai Birliyi sədrinin birinci müavini
Günel Əbilova - "Qafqazinfo.az" internet qəzetinin əməkdaşı
Nailə İsmayılova - "Yeni Həyat" Humanitar və Sosial Dayaq İB – nin sədri
Zahir Əzəmət – “ANN.Az” xəbər portalının rəhbəri
Elməddin Behbud – Demokratik Azərbaycan Naminə İB – nin sədri
Həqiqət Binnətova – yazıçı – publisist
Dəyanət Osmanlı – şair – publisist, Azərbaycanda Atatürk Mərkəzinin redaktoru
Ərəstun Baxşəliyev – politoloq, elmi işçi
Aqil Adjalov – “Sayokan”n vitse prezidenti
Mehriban Abdullayeva - “Demokratik Cəmiyyət və Qadın hüquqlarının müdafiəsi” IB – sədri
Mahirə Əmirhüseynova – XXI əsr qadınları İB – nin sədri
Əziz Əlibəyli – müstəqil politoloq
Şəbnəm Karslı – yazar
Samir Əsədli - VHP siyasi şurasının üzvü”