“Biz gözә gәldik”- - Sxadadze
"Qafqazinfo" xәbәr verir ki, bu sözlәri Topaz Premyer Liqasının XIX turunda baş tutan "Sumqayıt"la matçdan sonra "İnter"in baş mәşqçisi Kaxaber Sxadadze deyib.
O, qarşılaşma haqqında fikirlәrini bildirib: "Yoxlama oyunları ilә rәsmi matçlar tamam fәrqlidir. Ona görә dә biz bәzi sәhvlәri indi gördük. Özümüzü öldürәn deyilik. 1 xal qazanmışıq. Çalışacağıq ki, növbәti matçlara daha yaxşı hazırlaşaq. "Xәzәr Lәnkәran"ı mәğlub etmәyә çalışacağıq".
Sxadadze hakimlik vә Әfran İsmayılov haqqında da danışıb: "Hakimlik barәdә çox söz demәyәcәyəm. Әfran talantlı futbolçudur. Amma o stabil oynamır. "Qarabağ"dan ayrıldıqdan sonra hәmişә eyni sәviyyәdә oynaya bilmәyib. Ona demişәm ki, burda özünü göstәrsә, millidә çıxış edә bilәr. Hәr şey özündәn asılıdır"
Yohan Bokanyanonun rәqibin qapısına tәyin olunan penaltidәn istifadә edә bilmәmәsinә gәlincә gürcüstanlı çalışdırıcı bunları deyib: "Penalti daha çox şansa bağlı bir şeydir. Dünya çempionatında da belә epizodlar olub. Bokanyano bundan әvvәl heç vaxt penaltini qeyri-dәqiq yerinә yetirә bilmәyib".
Son Xəbərlər
