16 günə 175 minə yaxın ağac əkilib
Ekologiya və Təbii Sərvətlər Nazirliyi tərəfindən yaz ağac əkini davam edir.
“Qafqazinfo”nun məlumatına görə, Meşələrin İnkişafı Departamentinin əkin sektorunun müdiri Rəhim İbrahimov bildirib ki, son bir həftə ərzində Quba, Ağcabədi, Şəmkir, Göygöl, Bərdə, Zaqatala və Şamaxı rayonlarında Regional Meşə Təsərrüfatı Mərkəzləri və yerli idarəetmə orqanlarının əməkdaşları tərəfindən 50 hektar ərazidə 58,150 ədəd müxtəlif meyvə və meşəcinsli ağac əkilib.
O vurğulayıb ki, yaz ağac əkini mövsümü başlayandan bugünədək ümumilikdə regionlarda 150 hektar sahədə 174,350 müxtəlifcinsli ağac əkilib.
Qeyd edək ki, “Təbiət könüllüsü, yaz əkininə sən də qoşul!” devizi altında ETSN tərəfindən 3 martda yaz ağac əkini mövsümünə start verilib.
Son Xəbərlər
- 1
- 2
- 3
- 4
- 5
- 6
