“3 yaşa qədər uşaqların müavinət məsələsinə yenidən baxılacaq”
“Möhtərəm prezidentimiz uşaqların müavinətinin artırılması ilə bağlı müvafiq qurumlara tapşırıq verib. Belə ki, 0 yaşdan 3 yaşa qədər uşaqların müavinət məsələlərinə yenidən baxılacaq”
“Qafqazinfo” xəbər verir ki, bunu parlamentin Əmək və sosial siyasət komitəsinin sədri Hadi Rəcəbli Milli Məclisdə deyib. O bildirib ki, həmçinin uşaqlarla bağlı digər məsələlərə də də baxıla bilər.
H. Rəcəbli qeyd edib ki, prezident 2019-cu ili sosial təminat məsələlərində görüləsi işlərlə bağlı önəmli il adlandırıb:
“Son iki ay ərzində köklü əsaslı inqilabı addımlar atıldı. Bunların hamısı Azərbaycan əhalisinin rifahının yaxşılaşmasına xidmət edir. Bu proseslər davam edir”.
***
Deputat Rauf Əliyev isə çıxışında şəhid ailələrinin problemlərinə diqqətlə yanaşılmalı olduğunu qeyd edib: “Onlar bizə görüşlərdə işsizliklə bağlı müraciət edirlər. Buna görə də müvafiq qurumlar şəhid ailəsinin üzvlərinin işlə təmin olunması məsələsinə xüsusi diqqət yetirməlidirlər”.
Günel Türksoy
Son Xəbərlər
- 1
- 2
- 3
- 4
- 5
- 6
