Gəncə-Samux yolunda piyadanı avtomobil vurub.
“Qafqazinfo”nun APA-ya istinadən verdiyi məlumata görə, hadisə Gəncə-Samux avtomobil yolunda qeydə alınıb.
“VAZ 21015” markalı avtomobil şəhərdə məskunlaşmış Kəlbəcərdən olan məcburi köçkün 1947-ci il təvəllüdlü Hüseynov Bəhmən Rəhim oğlunu vurub. Yaralı təcili tibbi yardım avtomobili ilə xəstəxanaya yerləşdirilib. Vəziyyətinin orta ağır olduğu bildirilir.
Faktla bağlı hüquq mühafizə orqanları tərəfindən araşdırma aparılır.