ABŞ 30 ildə ilk dəfə Çin diplomatlarını ölkədən çıxardı

ABŞ 30 ildə ilk dəfə Çin diplomatlarını ölkədən çıxardı
Oxunma sayı: 763

ABŞ hakimiyyəti 2019-cu ilin sentyabrında Virciniya ştatındakı hərbi bazaya qanunsuz olaraq girməyə çalışan iki Çin diplomatını gizli şəkildə ölkədən xaric edib.

“Qafqazinfo”nun “The New York Times” nəşrinə istinadən verdiyi xəbərə görə, onlardan biri ABŞ-da Çin xüsusi xidmət orqanlarında işləməkdə şübhəli bilinir. ABŞ-ın Çin diplomatlarını casusluğa görə ölkədən çıxarması 30 ildən çox müddətdə ilk belə hadisədir.

Nəşrin məlumatına görə, hər iki diplomat xanımları ilə hərbi bazanın ərazisinə girməyə çalışıb. Obyektə giriş zamanı məlum olub ki, səfirlik işçilərinin içəri girmələrinə icazə yoxdur. Buna baxmayaraq çinlilər bazaya daxil olmağa çalışıblar. Onlar saxlanılıb və bazadan çıxarılıb.

Vaşinqtonda hesab edirlər ki, diplomatlar bazadakı təhlükəsizlik sisteminin necə işlədiyini müəyyənləşdirməyə çalışıblar. Çinlilər özləri bunun bir anlaşılmazlıq olduğunu izah ediblər. Onların sözlərinə görə, ingilis dilini yaxşı bilmirlər və buna görə də müəssisəni mühafizə edənlərin dediklərini başa düşməyiblər.

Hadisə sentyabrda baş versə də bu haqda təzə məlum olub. Tərəflər qərar veriblər ki, hadisə barədə mətbuata açıqlama verilməsin.


Daha tez məlumatlanmaq üçün Facebook səhifəmizi