ABŞ Fələstin ərazisindəki yəhudi məskənlərini tanıdı

ABŞ Fələstin ərazisindəki yəhudi məskənlərini tanıdı
Oxunma sayı: 587

“ABŞ İsrailin Şərqi Qüdsdə və Qərb Sahilində yəhudi məskənləri salmasını beynəlxalq hüququn pozulması kimi qəbul etmir”.

“Qafqazinfo” xarici KİV-ə istinadən xəbər verir ki, bunu ABŞ Dövlət katibi Mayk Pompeo deyib. Onun sözlərinə görə, İsrailin yaşayış məntəqələri ilə bağlı mövqe Barak Obama administrasiyası tərəfindən pozulub:

“2016-cı ilin dekabrında ABŞ administrasiyası dövlət katibi Con Kerrinin simasında on illərdir hər iki tərəfin dəstəklədiyi “ehtiyatlı yanaşma” prinsipini dəyişdi. İndi isə ABŞ-ın İsrail yaşayış məntəqələrini tanıması Fələstinlə sərhəd statusuna təsir etməyəcək. Bu məsələ danışıqlar yolu ilə həll edilməlidir. Əminəm ki, çoxillik münaqişənin həlli yaxınlaşır”.

Qeyd edək ki, 1978-ci ildə ABŞ XİN-i tərəfindən imzalanmış “Hansell” memorandumuna əsasən Qərbi Qüdsdəki İsrail məskənləri beynəlxalq hüquqa zidd qəbul edilirdi.

1967-ci ildən Şərqi Qüdsdə və Qərb Sahilində yəhudi məskənləri salınıb. 140 məntəqədə 500 mindən çox yəhudi yaşayır. Həmin məskənlər indiyədək beynəlxalq hüquqa zidd qəbul edilirdi. Tramp administrasiyası isə bu fikirlə razı deyildi və problemin həllini həmin məskənlərin tanınmamasının ləngitdiyini müdafiə edirdi.


Daha tez məlumatlanmaq üçün yeni Facebook səhifəmizi