“Mən prezident olsam, səyahət qadağası əvvəlkindən daha geniş və güclü şəkildə tətbiq olunacaq”.
“Qafqazinfo” xarici mediaya istinadən xəbər verir ki, bu fikirləri ABŞ-nin eks-Prezidenti Donald Tramp 2024-cü il seçki kampaniyası çərçivəsində Ayova ştatında keçirilən mitinqdə bildirib.
Prezidentliyi dövründə əksəriyyəti müsəlman olan bəzi ölkələrə tətbiq etdiyi səyahət qadağasını xatırladan Tramp vurğulayıb ki, ABŞ Fransa ilə eyni taleyə məhkum olmayacaq: “İnsanların alış-veriş məkanlarımızı, şəhərlərimizi havaya uçurmasını və əkin sahələrimizin oğurlanmasını istəmirik”.
Qeyd edək ki, Tramp 2017-ci ildə vəzifəyə gəldikdən bir həftə sonra, yanvarın 27-də İran, Suriya, Liviya, Yəmən, Somali, Çad və Şimali Koreyaya səyahət qadağası qoymuş, lakin qərarın hava limanlarında geniş etirazına səbəb olmasından sonra geri addım atmışdı.
ABŞ-nin hazırkı Prezidenti Co Bayden vəzifəsinin ilk həftəsində imzaladığı fərmanla Trampın bəzi ölkələrə qarşı saxladığı səyahət qadağasını ləğv edib.
Son xəbərlər
Son Xəbərlər