ABŞ kəşfiyyatının rəhbəri Moskvaya bu səbəbdən gedib

abs-kesfiyyatinin-rehberi-moskvaya-bu-sebebden-gedib
Oxunma sayı: 1707

ABŞ Prezidenti Cozef Bayden bu həftə Mərkəzi Kəşfiyyat İdarəsinin (MKİ) direktoru Uilyam Bernsi Moskvaya, Rusiyanın Ukrayna ilə sərhədə yaxın qoşunların sayının artırılmasını rəsmi Vaşinqton tərəfindən diqqətlə izlənilməsi barədə xəbərdarlığını çatdırmaq üçün göndərib.

“Qafqazinfo” xəbər verir ki, bu barədə CNN telekanalı mənbələrinə istinadən bildirib. MKİ başçısı, həmçinin Rusiyanın hərəkətlərinə nəyin səbəb olduğunu müəyyən etməli idi.

U. Berns ikigünlük səfəri zamanı Rusiyanın Ukrayna və Avropa ölkələrinə qaz ixracından rıçaq kimi istifadə edə biləcəyindən narahatlığını ifadə edib. 

Moskvadakı görüşlərdən sonra MKİ başçısı RF Təhlükəsizlik Şurasının katibi Nikolay Patruşev və RF Xarici Kəşfiyyat Xidmətinin direktoru Sergey Narışkinlə danışıqlar aparıb. Berns çərşənbə günü Ukrayna Prezidenti Vladimir Zelenskiyə zəng edib, ABŞ administrasiyasının Rusiyanın hərəkətləri ilə bağlı narahatlığını qeyd edib və Ukrayna liderini Vaşinqtonun Rusiya qoşunlarının hərbi fəallığını izləməsi barədə əmin edib.

Noyabrın 3-də Rusiya Xarici İşlər Nazirliyinin rəsmi nümayəndəsi Mariya Zaxarova ABŞ mətbuatının Rusiya qoşunlarının Ukrayna sərhədinə toplaşması barədə xəbərlərini feyk adlandırıb.