Türkiyə Silahlı Qüvvələri (TSQ) Afrində keçirilən əməliyyatında geridə qalan 11 günlə bağlı hesabatı açıqlayıb.
“Qafqazinfo” xəbər verir ki, “Zeytun budağı” adlı əməliyyat çərçivəsində bu gün PKK/KCK/PYD-YPG və İŞİD terror təşkilatlarına məxsus 3 hədəf – sığınacaq, hərbi ləvazimatlar anbar və atəş nöqtəsi məhv edilib.
Bundan başqa, 33 terrorçu zərərsizləşdirilib, 4 kənd isə terrorçulardan azad edilib.
Beləliklə, 10 gün ərzində öldürülən terrorçuların sayı 616-ya, azad edilən məntəqələrin sayı isə 25-ə çatıb. Onlardan 19-u kənd, biri kiçik yaşayış məntəqəsi və 5-i strateji yüksəklikdir.