Almaniya hökuməti Ukraynaya tank göndərəcəyini təsdiqlədi

Almaniya hökuməti Ukraynaya tank göndərəcəyini təsdiqlədi
Oxunma sayı: 1496

Almaniyanın Nazirlər Kabineti Ukraynaya “Leopard 2” tanklarının göndəriləcəyini təsdiq edib.

“Qafqazinfo” TASS-a istinadən xəbər verir ki, bu barədə məlumatı Almaniya hökumətinin nümayəndəsi Şteffen Xebeştrayt açıqlayıb.

Onun sözlərinə görə, Almaniya, həmçinin öz ehtiyatlarından Ukraynaya “Leopard 2” tankları göndərmək istəyən tərəfdaş ölkələrə də bununla bağlı icazə verəcək.

Almaniyanın ilk mərhələdə Ukraynaya 14 ədəd “Leopard 2A6” tankı göndərəcəyi bildirilir.

Xatırladaq ki, bundan əvvəl “Der Spiegel” jurnalı Almaniya Kansleri Olaf Şoltsun Ukraynaya tank göndərməklə bağlı qərar verməsi barədə məlumat yayıb.