Anım Günü ilə əlaqədar ağacəkmə tədbiri keçirildi
Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq 27 Sentyabr - Anım Günü ilə əlaqədar Müşfiqabad qəsəbəsində ağacəkmə aksiyası keçirilib.
“Qafqazinfo” Ekologiya və Təbii Sərvətlər Nazirliyinin Mətbuat xidmətinə istinadən xəbər verir ki, aksiyada nazirliklə yanaşı Abşeron RİH-in, ANAMA-nın nümayəndələri, şəhid ailələri, müharibə iştirakçıları, hərbçilər iştirak edib. Tədbirdə 1000-dən artıq Eldar şamı və zeytun ağacı əkilib.
Qeyd edək ki, şəhidlərimizin əziz xatirəsi bölgələrimizdə də ağacəkmə tədbirləri ilə anılıb və hər bölgənin iqlim şəraitinə uyğun ETSN-in tinglik sahələrində yetişdirilən tinglər əkilib.
Son Xəbərlər
- 1
- 2
- 3
- 4
- 5
- 6
