Arif Yunusdan qızı ilə bağlı- - Bəyanat

arif-yunusdan-qizi-ile-bagli-
Oxunma sayı: 4083


“Qafqazinfo”ya daxil olan bəyanatda Arif Yunus məlum xəbərləri dezinformasiya adlandırıb və bunu kəskin qınayıb:

“Bu gün - avqustun 2-də mən, demək olar ki, bütün günü heç kimlə əlaqə yarada bilməmişəm – həyat yoldaşıma dərman və pəhriz yeməkləri aparmışdım, daha sonra polis şöbəsində oldum. Yalnız axşam xəbərləri oxudum və bizim xüsusi xidmət orqanlarının ailəmizə qarşı dəhşətli təxribatından xəbər tutdum. Onlar «V kontakte» sosial şəbəkəsində hazırda Hollandiyada yaşayan qızım Dinara adına səhifə açıblar və onun adından iftira xarakterli materiallar yayıblar. Bu məlumatların ona heç bir aidiyyəti yoxdur, hətta bundan xəbəri də olmayıb.

Rəsmən bəyan edirəm ki, bu qondarma səhifədə yayılan məlumatların hamısı Azərbaycan xüsusi xidmət orqanlarının məhsulu və onların təxribatı, nə mənə, nə də qızıma aidiyyəti olmayan şüurlu dezinformasiyadır. Bu primitiv təxribatı kəskin qınayırıq”.

Xatırladaq ki, bu gün "v Kontakte"də Dinara Yunusun adından profil açılaraq cəbhədə gedən döyüşlərlə bağlı aşağılayıcı fikirlər paylaşılıb.