Arvadına mirvari mağazası açan filial müdirinə cəza istənildi
Bu gün Bakı Ağır Cinayətlər Məhkəməsində mənimsəmədə təqsirləndirilən “Zaminbank"ın filial müdiri işləmiş Müşfiq Bayramov və digər 6 nəfərin cinayət işi üzrə məhkəmə prosesi davam etdirilib.
"Qafqazinfo"nun verdiyi xəbərə görə, hakim Zeynal Ağayevin icraatımda olan prosesdə cəza istənilib. Dövlət ittihamçısı çıxış edərək M.Bayramovun 11 il 6 ay, Mübariz Gözəlovun 9 il, Vasif Həsənovun 5 il, Lalə İsgəndərovanın 4 il, Mehriban İsmayılovanın 4 il, Nuranə Qədirlinin 4 il müddətinə azadlıqdan məhrum edilməsini istəyib.
Məhkəmə prosesi iyulun 7-də davam etdiriləcək.
Qeyd edək ki, “Zaminbank" ASC-də filial müdiri M.Bayramov və digərləri sənədləri saxtalaşdırmaqla ayrı-ayrı şəxslərin adından banka depozit kimi qoyulmuş 41 min 300 manat pulu mənimsəməkdə təqsirləndirilir. O, bu pulla arvadı Aygün Bayramova üçün mirvari satışı mağazası açıb.
Murad Əhməd
Son Xəbərlər
- 1
- 2
- 3
- 4
- 5
- 6
