Astara gömrüyündən hər gün nə qədər adam keçir?

Astara gömrüyündən hər gün nə qədər adam keçir?
Oxunma sayı: 1000

"Cənub Ərazi Baş Gömrük İdarəsinin Astara gömrük postundan müvafiq olaraq piyadaların idxal-ixrac xətti ilə gün ərzində bir istiqamətdə 3000-4000 vətəndaş hərəkət edir. Ümumilikdə isə, idxal- ixrac xəttində gün ərzində 7000-8000 arası vətəndaşın hərəkəti təmin edilir".

"Qafqazinfo" xəbər verir ki, bu sözləri Astara gömrük postunun rəisi, gömrük xidməti mayoru Habil Mehdiyev jurnalistlərə açıqlamasında deyib.

Onun sözlərinə görə, bayram günlərində, həcc və Kərbəla ziyarətlərində bu rəqəm artır: "Belə ki, idxal-ixrac xəttində keçən vətəndaşların sayı bu günlərdə 10000 minə çata bilir".

H. Mehdiyev vurğulayıb ki, sıxlıq əsasən nəqliyyat vasitələrinin hərəkətində müşahidə olunur: "Belə ki, gün ərzində idxal-ixrac xəttində 60-70 avtobus və minik vasitələrinin keçidini təmin edirik. Ziyarət dövründə isə gün ərzində bu rəqəm 300-400 avtobusa və nəqliyyat vasitələrinə qədər çata bilir. Sıxlığın qarşısını almaq üçün də "Elektron növbə" sistemi də tətbiq olunur".

Günel Türksoy


Daha tez məlumatlanmaq üçün yeni Facebook səhifəmizi