Avarçəkmə üzrə Azərbaycan birinciliyi keçiriləcək - Video
Gənclər və İdman Nazirliyi ilə Azərbaycan Kanoe və Avarçəkmə Federasiyasının birgə təşkilatçılığı əsasında 16-17 mart tarixlərində avarçəkmə üzrə Azərbaycan birinciliyi keçiriləcək.
“Qafqazinfo” xəbər verir ki, yeniyetmə və gənclər arasında baş tutacaq turnir Mingəçevir “Kür” Olimpiya Tədris-İdman Mərkəzində təşkil olunacaq.
Azərbaycan birinciliyində 2007-2012-ci il təvəllüdlü 100-dən çox idmançı müxtəlif yaş kateqoriyalarında akademik, kayak və kanoe növlərində mübarizə aparacaqlar. İdmançılar akademik növdə 1, 2 və 4 nəfərlik qayıqlarda 500, 1000 və 1500 metr, 1 nəfərlik kanoedə 200, 500 və 1000 metr, 1, 2 və 4 nəfərlik kayakda 200, 500 və 1000 metr məsafədə medal qazanmağa çalışacaqlar.
Qeyd edək ki, ilk dəfə olaraq ölkədaxili turnirlərdə 4 nəfərlik kayak qayığında yarışlar keçiriləcək.
Qaliblər diplom və medallarla mükafatlandırılacaq.
Son Xəbərlər
- 1
- 2
- 3
- 4
- 5
- 6
