Avqustda temperatur çoxillik normadan aşağı enəcək - Xəbərdarlıq

Avqustda temperatur çoxillik normadan aşağı enəcək
Oxunma sayı: 3283

Milli Hidrometeorologiya Xidməti avqust ayında gözlənilən hava şəraiti ilə bağlı məlumat yayıb.

“Qafqazinfo”ya daxil olan məlumatda bildirilir ki, avqust ayı yay fəslinin ən isti ayıdır. Xüsusən də son onilliklərdə ən davamiyyətli isti hava dalğaları və ən yüksək temperatur göstəriciləri məhz bu ayda qeydə alınıb. Ötən illərdən fərqli olaraq, bu il 35 dərəcədən yüksək temperatur Bakıda yalnız 1 dəfə qeydə alınıb. Ayın əvvəlindən bu günədək orta temperatur 5 gün ərzində iqlim normasından 2,3 dərəcəyədək aşağı olub. Bu cür hava şəraiti Rusiyanın cənubundan, Qara dəniz üzərindən bizim regiona atmosfer hava cəbhələrinin daxil olması ilə bağlıdır.

Növbəti nisbətən sərin hava dalğasının təsiri avqust ayının 14-dən ikinci ongünlüyün sonunadək hiss olunacaq. Belə ki, arabir güclənən şimal küləyinin fonunda  havanın temperaturu çoxillik normadan aşağı enəcək. 

Paytaxtda maksimal temperatur 25-30 dərəcədən yüksək olmayacaq. Rayonlarda  hava arabir yağışlı olacaq.


Daha tez məlumatlanmaq üçün Facebook səhifəmizi