Avroliqada finalçılar bəlli olur
Bu gün futbol üzrə Avropa Liqasında yarımfinal mərhələsinin cavab oyunları keçiriləcək.
“Qafqazinfo” xəbər verir ki, hər iki qarşılaşma eyni gündə və eyni saatda başlayacaq.
İngiltərənin “Mançester Yunayted” klubu doğma meydanda darmadağın etdiyi “Roma” ilə bu dəfə İtaliyada üz-üzə gələcək. “Canavarlar”ın bu görüşdə möcüzə etməsi o qədər də inandırıcı görünmür.
Digər yarımfinal görüşü isə İspaniya “Vilyarreal”ı ilə İngiltərənin “Arsenal” klubları arasında baş tutacaq. İlk oyunda ispanlar qalib gəlsə də, “topçular”ın da finala çıxmaq şansı yüksəkdir.
Qeyd edək ki, Avroliqanın final qarşılaşması mayın 26-da Polşanın Qdansk şəhərində keçiriləcək.
Avropa Liqası
Yarımfinalın cavab oyunları
6 may
23:00. Roma (İtaliya) - Mançester Yunayted (İngiltərə)
İlk oyun – 2:6.
23:00. Arsenal (İngiltərə) - Vilyarreal (İspaniya)
İlk oyun – 1:2.
Son Xəbərlər
- 1
- 2
- 3
- 4
- 5
- 6
