Avropa çempionatları ləğv olundu

Avropa çempionatları ləğv olundu
Oxunma sayı: 2320

19 yaşadək qadınlar və kişilər arasında 2021-ci ildə keçirilməsi nəzərdə tutulan futbol üzrə Avropa çempionatları ləğv olunub.

"Qafqazinfo" xəbər verir ki, bu barədə UEFA-nın rəsmi saytı məlumat yayıb.

Müvafiq qərar UEFA İcraiyyə Komitəsinin iclasında qəbul edilib. Sözügedən turnirlərin ləğv olunmasına koronavirus pandemiyası dövründə ölkələr arasında səyahət məhdudiyyətlərinin olması səbəb göstərilib.

UEFA rəhbərliyi bununla həm də yoluxmanın qarşısını almaq məqsədi güdüldüyünü bəyan edib. Bildirilib ki, hazırkı məqamda gənc futbolçuların sağlamlığı daha vacibdir.