“Avropa Oyunları”nda işıqla bağlı problem olmayacaq
Azərişıqdan “Qafqazinfo”ya verilən məlumata görə, əsas tədbirlərin keçiriləcəyi Olimpiya stadionunun elektrik təhcizatı üçün uzun müddət istismarda olan 35/6 kv-luq 19 və 35 saylı yarımstansiyalar sökülərək yerində qapalı tipli yeni yarımstansiyalar inşa edilib. 35/6 kv-luq “Koroğlu” və 35 saylı yarımstansiyaları “Olimpiya stadionu” yarımstansiyası ilə 35 kv-luq kabel xətləri ilə əlaqələndirilib. Olimpiya stadionunun elektrik təhcizatı bir-birindən asılı olmayan 4 müxtəlif 220 kv-luq güc mərkəzlərindən qidalanan 110 kv-luq yarımstansiyaların 35 kv-luq şəbəkəsi ilə təchiz olunur.
“Azərişıq” ASC-də “Bakı-2015 1-ci Avropa Oyunları”nın keçiriləcəyi obyektlərin fasiləsiz, dayanıqlı və etibarlı elektrik enerjisi ilə təhcizatını təmin etmək məqsədilə xüsusi plan təsdiq olunub və əməkdaşların əks-qəza məşqlərinin keçirilməsi də intensivləşdirilib.
Son Xəbərlər
- 1
- 2
- 3
- 4
- 5
- 6
