“Avroviziya”da Rusiyanın səslərini o açıqlayacaq
Rusiyanın “Birinci kanal”ı “Avroviziya-2021” mahnı müsabiqəsində Rusiyadan olan səsverməni elan edəcək şəxsin adını açıqlayıb.
“Qafqazinfo” “RİA Novosti”yə istinadən xəbər verir ki, məşhur mahnı müsabiqəsində iştirakçılara Rusiyadan münsiflər tərəfindən veriləcək səsləri 2015-ci ildə “Avroviziya”da ölkəsinə ikinci yeri qazandıran müğənni Polina Qaqarina elan edəcək.
Qeyd edək ki, “Avroviziya-2021”in finalı bu gün Niderlandın Rotterdam şəhərində keçiriləcək. Azərbaycanı müsabiqədə “Mata Hari” mahnısı ilə Samirə Əfəndi təmsil edir. Ölkəmizdən münsiflər tərəfindən veriləcək səsləri 10 il öncə, 2011-ci ildə 221 xalla birinci olaraq “Avroviziya”nı Azərbaycana gətirən Eldar Qasımov və Nigar Camal elan edəcək. Müsabiqə İctimai Televiziyanın efirində canlı olaraq yayımlanacaq.
Son Xəbərlər
- 1
- 2
- 3
- 4
- 5
- 6
