Avstraliyada koronavirusla bağlı rekord göstərici
Avstraliyada son sutkada koronavirusa 116 mindən çox yoluxma halı qeydə alınıb.
“Qafqazinfo” TASS-a istinadən xəbər verir ki, bu, pandemiyanın başladığı vaxtdan ölkədə qeydə alınan ən yüksək göstərici olub. İndiyədək ümumilikdə 858 847 nəfərdə koronavirus aşkarlanıb.
Həmçinin bildirilir ki, son 24 saatda COVID-19-a yoluxmuş 25 nəfərin ölümü təsdiqlənib. Bununla da koronavirus qurbanlarının sayı 2 336-ya çatıb.
Ölkənin Baş naziri Skott Morrison bildirib ki, yoluxma sayının artması gözlənilən idi və hökumət heç bir sanitar məhdudiyyət tətbiq etmək niyyətində deyil.
Son Xəbərlər
- 1
- 2
- 3
- 4
- 5
- 6
