Avtomobildə sıxılmış vəziyyətdə qalan şəxs xilas edildi - Video
Şirvan şəhərində baş verən yol-nəqliyyat hadisəsində xilasedici köməyinə ehtiyac yaranıb.
“Qafqazinfo” xəbər verir ki, bununla bağlı Fövqəladə Hallar Nazirliyi (FHN) məlumat yayıb.
Bildirilib ki, DYMX-nın müvafiq xilasetmə qüvvələri çağırış üzrə cəlb olunublar.
Əməliyyat şəraiti qiymətləndirilərkən müəyyən olunub ki, “İsuzu” və “QAZ” markalı iki yük avtomobili toqquşub, 1 nəfər nəqliyyat vasitəsində sıxılmış vəziyyətdə qalıb.
Həyata keçirilən xilasetmə tədbirləri nəticəsində avtomobildə sıxılı vəziyyətdə qalan 1 nəfər deformasiyaya uğrayan nəqliyyat vasitəsindən çıxarılaraq təcili tibbi yardım briqadasına təhvil verilib.
Son Xəbərlər
- 1
- 2
- 3
- 4
- 5
- 6
