Azərbaycan İslamiadada 25-ci qızıl medalını qazandı

Azərbaycan İslamiadada 25-ci qızıl medalını qazandı
Oxunma sayı: 1494

Türkiyənin Konya şəhərində keçirilən V İslam Həmrəyliyi Oyunlarında Azərbaycanın kikboksinq millisi ilk qızıl medalını qazanıb.

“Qafqazinfo” xəbər verir ki, bu haqda Azərbaycan Kikboksinq Federasiyası məlumat yayıb.

Bildirilib ki, dünya çempionu, XI Ümumdünya Oyunlarının qalibi Bəhram Rəcəbzadə (low kick, +91 kq) finalda meydan sahibi Türkiyə idmançısı Kadir Yıldırımı məğlub edib.

Bundan başqa, Amil Məmmədov (full contact, 51 kq) da bürünc medal qazanıb.

Bəhram Rəcəbzadənin nailiyyəti Azərbaycanın İslamiadada qazandığı 25-ci qızıl medal olub.