Azərbaycan Ordusunda “Snayper hazırlığı kursu” keçirilir - Video

azerbaycan-ordusunda-snayper-hazirligi-kursu-kecirilir
Oxunma sayı: 973

2022-ci ilin döyüş hazırlığı planına əsasən Azərbaycan Ordusunda “Snayper hazırlığı kursu” keçirilir.

“Qafqazinfo” xəbər verir ki, bu barədə Müdafiə Nazirliyi məlumat yayıb.

Tədris proqramına uyğun olaraq yüksək hərbi biliyə və təcrübəyə malik zabitlər tərəfindən kursantlara müxtəlif snayper silahlarının taktiki-texniki xüsusiyyətləri və onların istismar qaydaları öyrədilir. İştirakçıların snayper silahından istifadə vərdişlərinin artırılması üçün praktiki atışlar icra edilir.

Hərbi qulluqçuların döyüş qabiliyyətinin daha da yüksəldilməsi məqsədilə təşkil olunan kursu müvəffəqiyyətlə bitirənlərə sertifikatlar təqdim ediləcək.