Azərbaycan reytinqdə gerilədi
Avropa Liqasının I mərhələsinin ilk oyunlarından sonra UEFA reytinqində dəyişikliklər olub.
“Qafqazinfo” xəbər verir ki, ölkəmiz reytinqdə 1 pillə geriləyib.
“Keşlə” Malta səfərində “Baltsan”na 1:4, “Qəbələ” evdə Lüksemburqun “Proqres” klubuna 0:2 hesabıyla uduzdu. Təmsilçilərimizdən “Neftçi” doğma meydanda Macarıstanın “Uypeşt” klubunu 3:1 hesabıyla məğlub etməyi bacardı. “Ağ-qaralar” qalib gəlməklə Azərbaycanın reytinqinə 0.250 xal yazdırıb.
İki klubumuzun xal qazanmamasına görə, Belarus ölkəmizi keçib. Azərbaycan UEFA reytinqində 17,125 xalla 55 ölkə arasında 22-ci pillədə qərarlaşıb.
23-cü pillədə olan Serbiyanın 17,000, 21-ci pillədə olan Belarusun 17,375 xalı var.
Son Xəbərlər
- 1
- 2
- 3
- 4
- 5
- 6
