Azərbaycanda futbol azarkeşinə 3 il iş verildi
“Qafqazinfo” xəbər verir ki, Elman Tağıyev (Eliko) və digər 2 nəfər məhkəminin qərarı ilə 3 il müddətinə azadlıqdan məhrum ediliblər.
Elikonun vəkili Əliheydər Hüseynovun “Qafqazinfo”ya verdiyi məlumata görə, dünən keçirilən məhkəmə iclasında 3 nəfər azarkeş haqqında 3 il müddətinə həbs qərarı verilib. Vəkil bu qərarla razılaşmayacaqlarını və Apellyasiya Məhkəməsinə müraciət edəcəklərini deyib:
“Müvvəkilimlə yanaşı, digər iki nəfərə 3 il həbs verdilər. Ancaq biz öz şikayətimizi bildirəcəyik və Apellyasiya Məhkəməsinə müraciət edəcəyik”
Məhkəmə “Neftçi” azarkeşi Zaur Ərəbov da daxil olmaqla, 4 azarkeşə hələ ki, hökm oxumayıb . Vəkilin sözlərinə əsasən, həmin 4 nəfər islah işlərinə cəlb oluna bilər.
Qeyd edək ki, Topaz Premyer Liqasının IV turu çərçivəsində keçirilən "Xəzər Lənkəran"- "Neftçi" matçında azarkeşlər arasında qalmaqal yaşanmış və 7 nəfər azarkeş təqsirkar bilinərək tutulmuşdu.
İqbal
Son Xəbərlər
- 1
- 2
- 3
- 4
- 5
- 6
