Azərbaycanda məhkum uşaqların çoxu bu cinayətə görə tutulub

Azərbaycanda məhkum uşaqların çoxu bu cinayətə görə tutulub
Oxunma sayı: 1119

Cinayət törətmiş uşaqların sayı ötən illərlə müqayisədə qismən azalıb.

“Qafqazinfo” xəbər verir ki, bu, Prezident İlham Əliyevin təsdiq etdiyi “Azərbaycan Respublikasının Uşaqlara dair 2020–2030-cu illər üçün Strategiyası”nda öz əksini tapıb. Bildirilib ki, məhkum olunmuş uşaqların əksəriyyəti oğurluq hərəkətləri törədiblər.

Qeyd edilib ki, yetkinlik yaşına çatmayanların hüquq pozuntularının profilaktikası üzrə ən vacib məsələlərdən biri yetkinlik yaşına çatmayanların hüquqlarının ədalət mühakiməsi prosesində tam təmin edilməsidir. Bu sahədə Azərbaycan Respublikasının qanunvericiliyi beynəlxalq normalara əsas etibarilə uyğun gəlir.

Son illərdə həyata keçirilən məhkəmə-hüquq islahatları uşaqların da maraqlarına müsbət təsir göstərir. Milli Məclisin 1993-cü il 28 iyul tarixli 652 nömrəli Qərarı ilə ölkəmiz BMT Baş Məclisinin 1985-ci il noyabrın 29-da qəbul etdiyi “Birləşmiş Millətlər Təşkilatının yetkinlik yaşına çatmayanlar barəsində ədalət mühakiməsinin həyata keçirilməsinə aid minimal standart qaydaları”na qoşulmuş, milli qanunvericilik bu sənəddən irəli gələrək təkmilləşdirilib.


Daha tez məlumatlanmaq üçün yeni Facebook səhifəmizi